İspan alimləri məşhur dadlandırıcı aspartamın (məhsulların üzərində E951 kodu ilə göstərilir) hətta kiçik dozalarının belə zamanla beyin və ürək fəaliyyətində mənfi dəyişikliklərə səbəb olduğunu aşkar ediblər.
Bir il ərzində siçanlara aspartam qatılmış su verildi. Doza kiçik idi - rəsmi olaraq insanlar üçün təhlükəsiz hesab ediləndən təxminən 6 dəfə az. Müəlliflər dadlandırıcının tək deyil, uzunmüddətli qəbulunun təsirlərini sınaqdan keçirmək istədilər.
Əvvəlcə siçanların beyinləri daha çox qlükoza (əsas "yanacaq") istehlak etməyə başlamışdılar, lakin ilin sonuna qədər bu, nəzarət qrupu ilə müqayisədə 50% azalmışdı. Bu, əvvəlcə avtomobil mühərrikinin işə düşməsi, sonra isə yanacaq çatışmazlığı səbəbindən dayanması kimidir.
Siçanlar həmçinin yaddaş pozğunluğu da göstəriblər. Aspartam verilən gəmiricilər labirint testlərində daha pis nəticələr göstəriblər: çıxışı tapmaq daha uzun çəkib və daha çox səhv ediblər. İlin sonuna qədər bəziləri tapşırığı ümumiyyətlə yerinə yetirə bilməyiblər.
Bundan əlavə, siçanların ürəkləri daha az səmərəli işləyirdi və hər döyüntü ilə daha az qan vururdu. Bu o demək idi ki, beyin də daxil olmaqla bütün orqanlar bir qədər az oksigen və qida maddəsi alırdılar.
Aspartam qəbul edən siçanlar ümumi bədən yağını azaltsa da, ən təhlükəli yerlərdə - daxili orqanların ətrafında toplanmağa başladı. Bu visseral yağ maddələr mübadiləsinə və ürəyə zərərlidir.
Tərcümə: Könül Oruc
