“COVİD-də immun sisteminin zəif olmasının bəzən xeyri var”.
Immuniteti zəif olan insanların COVİD-19 virusunu daha ağır keçirdiyi bəllidir. Lakin ximya alan onkoloji xəstələrin koronavirusu yüngül keçirməsi ilə bağlı çoxsaylı faktlar da mövcuddur.
E-saglam.az bildirir ki, tanınmış anestezioloq reanimatoloq Şahin Məmmədovun sözlərinə görə, bəzən COVİD-ə yoluxan insanların immun sisteminin zəif olmasının onu yüngül keçirməsində xeyri var: “Çünkü bəzən xəstəni ağırlaşdıran elə immun sistemin özü olur. Buna görə mən ümumiyyətlə COVİD müalicəsində immun modulyatorların istifadəsinə qarşıyam”.
Həkimin sözlərinə görə, kimya alan xəstələrdə makrofaq aktivasiya sindromu, sitokin storm əmələ gəlməsi ehtimalı azalır.
“Amma bu, həmişə belə deyildir. Xüsusən bakterial infeksiya riski bu tip covid xəstələrində yüksəkdir, bu cür xəstələrdə aseptika antiseptika qaydalarına daha çox nəzarət olunması məsləhətdir”./tibb.fed.az/
