Səhiyyə Nazirliyinin tabeliyində olan Səhiyyənin Təminat Mərkəzinin keçirdiyi tender müsabiqəsinin qalibi “Labservis LTD” MMC olub.
E-saglam.az xəbər verir ki, nazirlik meymunçiçəyi (MONKEYPOX ) virusunun aşkarlanması üçün PCR kitlərinin satın alınmasına görə “Labservis LTD” MMC-yə 106 min 554 manat ödəyəcək.
Məlumat üçün bildirək ki, “Labservis LTD” MMC 6 aprel 1994-cü il tarixində dövlət qeydiyyatına alınıb. Hüquqi ünvanı Nəsimi rayonu, Səməd Vurğun, ev 81, m. 2-də yerləşən “Labservis LTD”nin nizamnamə kapitalı 2 400 manat təşkil edir. “Labservis LTD”in qanuni təmsilçisi Şahbazova Roza Qafar qızıdır.
Qeyd edək ki, Şahbazova Roza Qafar qızının qanuni təmsilçi olduğu başqa bir şirkət - "Eurolab” MMC-dir. Nəsimi rayonu, Səməd Vurğun küçəsi, ev 88 ünvanında yerləşən "Eurolab” MMC-nin nizamnamə kapitalı 500 manat təşkil edir. (yeniavaz.com)
