Mövsümi dəyişikliklərlə qrip və ishal hallarında artım müşahidə olunur.
E-saglam.az xəbər verir ki, Uşaq Xəstəlikləri Mütəxəssisi Dr. Burak Yaşar xüsusilə uşaqların bu dövrdə daha həssas olduğunu bildirərək ailələrə xəbərdarlıq edib.
Son günlər qripə yoluxmalarda ciddi artım var. Uşaqlar əsasən burun axması, qızdırma və halsızlıq şikayətləri ilə müraciət edirlər. Bu dövrdə bol maye qəbulu, balanslı qidalanma və nizamlı yuxu vacibdir. Əgər qızdırma nəzarət altına alınmazsa, mütləq həkimə müraciət edilməlidir.
İshal hallarının da artdığına diqqət çəkən Dr. Yaşar su ehtiyatlarının çirklənmə riskinə qarşı ailələri ehtiyatlı olmağa çağırıb. Qar əriməsi səbəbindən çirkli su mənbələri təhlükə yarada bilər. Buna görə də aprel ayının sonuna qədər quyu və bulaq sularının istehlak edilməməsi tövsiyə edilir.
Tərcümə: Könül Oruc
