Qış aylarında mikroblarla mübarizə və immuniteti gücləndirmək üçün bəzi tədbirləri görmək vacibdir.
E-saglam.az xəbər verir ki, çay, şorba və yeməklərə zəncəfil, zərdəçal və sarımsaq kimi təbii maddələr əlavə edərək xəstəliklərdən qoruna bilərsiniz.
1. Qida dəyəri yüksək olan qidalar seçin
Sink və C vitamini ilə zəngin qidalar immuniteti gücləndirir.
- C vitamini mənbələri: Sitrus meyvələri, kivi, giləmeyvə, brokoli.
- Sink mənbələri: Paxlalılar, tam taxıllar, dəniz məhsulları, quş əti.
2. Tam taxılları menyuya əlavə edin
Tam taxıl məhsulları yalnız doyurucu deyil, həm də immunitet sistemini dəstəkləyir. Yeməklərinizdə bu faydalı məhsullara üstünlük verin.
3. D vitamini qəbulunu artırın
Qışda günəş işığının azlığı səbəbindən D vitamini çatışmazlığı yaranır. Buna görə də, əlavələrdən istifadə etməzdən əvvəl həkimlə məsləhətləşərək D vitamini qəbul edin.
4. İltihab əleyhinə qidalar istehlak edin
Zəncəfil, zərdəçal və sarımsaq kimi təbii iltihab əleyhinə qidalar bədəninizin mikroblarla mübarizəsini gücləndirir. Onları çaylara, şorbalara və güveçlərə əlavə edin.
5. Yemək rejiminizə diqqət edin
Yemək atlamamaq qış sağlamlığı üçün önəmlidir. Mütəmadi olaraq meyvə, tərəvəz və digər qidalarla zəngin yüngül yeməklər yeyin.
Bu qış sağlamlığınızı qorumaq üçün sadə, lakin təsirli addımlar atın. Təbii qidalardan faydalanaraq, həm mikroblara qarşı mübarizə aparacaq, həm də mövsümü xəstəliksiz keçirəcəksiniz.
Tərcümə: Könül Oruc
