"Lənkəran Regional Perinatal Mərkəzində 1564 uşaqdan daban testi götürülüb".
Bu sözləri E-saglam.az-a açıqlamasında Lənkəran Rayon Mərkəzi Xəstəxanasının direktor müavini və Lənkəran Regional Perinatal Mərkəzin rəhbəri Nuridə Məmmədova deyib.
O, bildirib ki, daban testi İcbari Tibbi Sığorta üzrə Dövlət Agentliyi tərəfindən qarşılanır: "Bu test doğulan uşaqların hamısından rutin olaraq götürülür. Test götürüldükdən sonra Bakıya göndərilir".
N.Məmmədovanın sözlərinə görə, hələ ki, nəticələrdə hər hansı qüsura rast gəlinməyib.
Mərkəz rəhbəri qeyd edib ki, daban testinin tətbiqinə 23 noyabr 2022-ci il tarixindən etibarən başlanılıb.
Könül Oruc
