Tez-tez sadəcə estetik qüsur kimi qəbul edilən kövrək dırnaqlar əslində bədənin xəbərdarlıq siqnalı ola bilər.
E-saglam.az xəbər verir ki, Harvard Tibb Məktəbinin araşdırmasına görə, qadınların təxminən 27 faizi tibbi ədəbiyyatda “onikokizis” adlanan bu vəziyyətdən əziyyət çəkir.
Əllərin tez-tez yuyulması, yuyucu vasitələr və kimyəvi maddələrlə təmas dırnaqları zəiflədir. Amma bundan başqa dəmir çatışmazlığı, hipotiroidizm və Raynaud sindromu kimi sağlamlıq problemləri də kövrək dırnaqlara səbəb ola bilər.
Mütəxəssislər iki əsas forma ayırd edirlər:
-
Quru və kövrək dırnaqlar – nəm itkisi, yaşlanma və təkrar yuyulma nəticəsində yaranır.
-
Yumşaq və kövrək dırnaqlar – həddindən artıq suya, yuyucu vasitələrə və dırnaq boyası təmizləyicilərinə məruz qalma nəticəsində formalaşır.
Əlaqəli xəstəliklər:
– Dəmir çatışmazlığı – oksigen daşınmasını zəiflədir, dırnaqları incə və tez qırılan edir.
– Hipotiroidizm – dırnaq böyüməsini ləngidir, saç tökülməsi və yorğunluqla müşahidə olunur.
– Raynaud sindromu – qan dövranını zəiflədir, dırnaqların qidalanmasına mane olur.
Dırnaq sağlamlığını qorumaq üçün:
– Əlləri mütəmadi nəmləndirmək,
– Aseton tərkibli məhsullardan uzaq durmaq,
– Təmizlik zamanı əlcək geyinmək,
– Süni dırnaqlardan və həddindən artıq dolmadan qaçmaq,
– Zülal, vitamin və minerallarla zəngin qidalar yemək tövsiyə olunur.
Mütəxəssislər xəbərdarlıq edir ki, dırnaqlarda uzunmüddətli dəyişikliklər təkcə kosmetik problem deyil, ciddi xəstəliklərin də əlaməti ola bilər. Belə hallarda həkimə müraciət etmək vacibdir.
Tərcümə: Könül Oruc
