Uroloq-cərrah Nil Barber kişilərdə prostat sağlamlığını qorumağın sadə yollarını açıqlayıb.
E-saglam.az xarici mətbuata istinadən xəbər verir ki, həkimin fikrincə, bu vəziyyətin əsas əlamətləri sidik ifrazı zamanı ağrı, tez-tez tualetə getmək istəyi, bəzi hallarda sidik tutmama və erektil disfunksiyadır.
Onun sözlərinə görə, prostat vəzinin hiperplaziyası xəstəlik deyil və həkimlər tərəfindən təbii proses kimi qəbul edilir:
“Lakin kişilərin reproduktiv sisteminin sağlamlığını və gəncliyini qorumağın yolları var. Bunun üçün müntəzəm olaraq orqazm olmaq lazımdır. Prostat qismən orqazm zamanı yığılan və spermanın düzgün istiqamətdə hərəkətini təmin edən əzələlərdən ibarətdir. Bədəndəki hər hansı digər əzələ kimi, bu əzələlər də müntəzəm istifadədən faydalanır. Kişilər reproduktiv sisteminə də faydalı təsir göstərən qidalar istehlak etməlidirlər. Kişilərin sağlamlığı üçün gündə ət istehlakını 70 qrama endirmək, pəhrizdə meyvə-tərəvəz miqdarını artırmaq faydalıdır”./Lent.az.
