“Açıq dərili insanlar dəri xərçəngi inkişaf riski altındadır”.
E-saglam.az xəbər verir ki, bu barədə onkoloq Kristina Orlova “Rossiyskaya qazeta”ya danışıb.
Həkimin sözlərinə görə, birinci və ikinci dəri fototipi olan insanlarda melanoma inkişaf riski yüksəkdir:
“Çox vaxt bu tip dərilərə sahib insanlar qaralmır, ancaq yanır. 50-dən çox xalı olanlar və nəhəng anadangəlmə nevusu olan insanlar da melanoma inkişaf riski altındadır. Ondan çox displastik nevus olanlar, həmçinin ailədə melanoma halları olubsa, diqqətli olmalıdırlar. Digər xəstəliklər üçün immunosupressiv dərman qəbul etməli olan insanlarda da risk artır”.
Onkoloq ultrabənövşəyi şüalanmanı melanoma inkişafının ən böyük təxribatçısı adlandırıb. Bundan əlavə, bir insan həyatı boyu beşdən çox günəş yanığı alıbsa, inkişaf riski iki dəfə artır.
