Ürək sağlamlığı uzun və keyfiyyətli ömrün əsas şərtidir.
E-saglam.az xəbər verir ki, Amerikalı kardioloq Dr. Sanjay Bhojraj 20 illik təcrübəsinə əsaslanaraq ürəyi gücləndirən və cavan saxlayan 10 sadə vərdiş təklif edir. Bu rejim həm infarkt riskini azaldır, həm də ümumi sağlamlığı dəstəkləyir.
1. Hər gün hərəkət edin
Gündə 7000-10.000 addım atmaq qan təzyiqini aşağı salır, şəkəri balanslaşdırır və ürəyi qoruyur.
2. Günü zülalla başlayın
Səhərlər 25-30 qram protein (yumurta, qatıq, kefir və s.) toxluq hissini artırır və əzələ kütləsini qoruyur.
3. Maqnezium və K2 vitamini qəbul edin
Maqnezium ürək ritmini tənzimləyir, K2 isə kalsiumun damarlarda yığılmasının qarşısını alır.
4. Oyandıqdan dərhal ekrana baxmayın
Telefon və ekranlar kortizol (stress hormonu) səviyyəsini artırır. Oyanandan sonra ən az 30 dəqiqə ekransız qalın.
5. Səhər günəşindən faydalanın
Günə gün işığı ilə başlamaq bioloji saatı nizamlamaqla yanaşı, əhvalı da yaxşılaşdırır.
6. Qəhvədən əvvəl su için
Yuxudan sonra bir stəkan su içmək bədəni oyadır, təzyiqi tarazlayır və qəhvənin təsirini artırır.
7. Emal olunmuş qidalardan uzaq durun
Qablaşdırılmış, çox tərkibli qidalar iltihab və damar tutulmasına səbəb olur. 5-dən çox tərkib hissəsi varsa, ehtiyatlı olun.
8. Qan təzyiqinizi izləyin
Qan təzyiqi və ürək dərəcəsi dəyişkənliyi (HRV) ürək və sinir sistemi haqqında dəyərli məlumat verir.
9. Burnunuzdan nəfəs alın
Burunla nəfəs almaq oksigen qəbulunu artırır, azot oksidi istehsalını dəstəkləyir və ürəyə fayda verir.
10. Həyat tərzinizi nəzərdən keçirin
Ürək sağlamlığı yalnız dərman və pəhrizlə deyil, nizamlı yuxu, stressin idarəsi, fiziki aktivlik və şüurlu vərdişlərlə qorunur.
Tərcümə: Könül Oruc
