Xəstəliklər
Kalsiumlu qidalar hətta bu xəstəliyin də
Xəstəliklər

Kalsiumlu qidalar hətta bu xəstəliyin də qarşısını alır

Amerika Xərçəng Cəmiyyətinin alimləri müəyyən ediblər ki, ABŞ-da kolorektal xərçəng hallarının təxminən 35%-nin kalsium və liflə zəngin qidaların qəbulunu artırmaqla qarşısını almaq olar.

E-saglam.az xəbər verir ki, tədqiqatın nəticələri Amerika Xərçəng Cəmiyyətinin (ACS) saytında təqdim olunur.

Tədqiqat qrupu xərçəng halları ilə bağlı ABŞ-ın federal səhiyyə məlumatlarını təhlil edib. Ümumilikdə 700 minə yaxın işə baxılıb. Tədqiqatçılar əsas xərçəng risk faktorlarının (məsələn, siqaret çəkmə və piylənmə) müxtəlif xərçəng növlərinə təsirini qiymətləndiriblər.

Siqaretin bütün xərçəng növləri üçün ən çox yayılmış risk faktoru olduğunu müəyyən edilib. Alimlər həmçinin aşkar ediblər ki, kolorektal xərçəng hallarının 50%-dən bir qədər çoxunun həyat tərzinin dəyişməsi, 35%-nin isə pəhriz dəyişikliyi ilə qarşısını almaq olar.

Alimlər deyirlər ki, meyvələr, taxıllar, taxıl məhsulları və tərəvəzlərdə olan lif xərçəng əleyhinə xüsusiyyətləri ilə tanınır. Bir sıra həzm funksiyaları üçün vacibdir. Bunlara nəcisin həcmini artırmaq və kolon və düz bağırsaqda xərçəngə səbəb olan kimyəvi maddələrin yığılmasının qarşısını almaq daxildir.

Xərçəngdən qoruyan digər vacib pəhriz komponenti kalsiumdur. Qatıq, inək südü və sardina onunla zəngindir. Elm adamları xərçəng əleyhinə təsirin əsasında hansı mexanizmlərin dayandığını hələ müəyyən edə bilmirlər. Kalsiumun kolonda zərərli yağ turşularını bağlamağa və onları nəcislə tez xaric etməyə kömək edə biləcəyinə inanılır ki, bu da xərçəng hüceyrələrinin meydana gəlməsinin qarşısını alır.(BAKU.WS)

E-saglam.az 

Premium Reklam

VIP Reklam İmkanları

VIP

Sizin Reklamınız Burada

Tibbi sahədə fəaliyyət göstərən şirkətlər üçün premium reklam imkanları.

Reklam Sahəsi Satın Al

Ürək sağlamlığınızı yoxlayın

Həkimlərimizlə konsultasiya üçün randevu alın

Randevu Al

Yeniliklərdən xəbərdar olun

Həftəlik tibbi xəbərlər və məsləhətlər üçün abunə olun