Rusiyanın səhiyyə naziri Mixail Muraşko insanın həyatında onun sağlamlığı üçün risklərin artdığı kritik yaş mərhələlərini açıqlayıb.
E-saglam.az xəbər verir ki, bu barədə “Rossiyskaya qazeta” məlumat yayıb.
Muraşko vurğulayıb ki, bütün dərdlərin universal müalicəsi yoxdur, lakin müəyyən amillərin orqanizmə necə təsir etdiyi dəqiq məlumdur. Nazir qeyd edib ki, bunun sayəsində insan sağlamlığı yaxşılaşdırıla bilər.
Onun sözlərinə görə, həkimlər bir neçə kritik yaş həddi müəyyən edirlər ki, bu müddət ərzində orqanizmdə ciddi biokimyəvi dəyişikliklər baş verir. Birinci mərhələ 40-45 yaşda başlayır. Bu zaman ürək-damar problemlərinin yaranma riski var.
Muraşko qeyd edib ki, ikinci kritik mərhələ 60-65 yaşda baş verir. Bu yaşda infarkt riski 75% artır.
Nazir bildirib ki, üçüncünün yaşı 80-dən yuxarıdır.
Muraşko onu da bildirib ki, insan sağlam həyat tərzi prinsiplərinə əməl etsə, 120 il yaşaya bilər.
Nazirin sözlərinə görə, sağlam həyat tərzi xəstəliyin inkişafı faktorlarının 60%-nin qarşısını ala bilər.
Əvvəllər alimlər uzunömürlülük üçün ən vacib amilləri sadalayırdılar.
Tərcümə: Könül Oruc
