Son illərdə sağlam həyat tərzi üçün müxtəlif qidalanma tendensiyaları populyarlaşıb. Onlardan biri də qan qrupu pəhrizidir.
E-saglam.az xəbər verir ki, onlardan biri də qan qrupu pəhrizidir. 1990-cı illərdə Dr. Peter D'Adamo tərəfindən təqdim olunan bu yanaşma qan qrupuna görə qida seçimlərini tövsiyə edir. Lakin alimlər bu iddialara ehtiyatla yanaşırlar.
Qan qrupu əsaslı tövsiyələr:
-
O (I)qan qrupu: Qırmızı ətlə zəngin pəhriz, süd məhsullarından uzaq durmaq.
-
A (II)qan qrupu: Tərəvəz, meyvə və bütün taxıllara əsaslanan vegetarian pəhriz.
-
B (III) qan qrupu: Quzu, balıq və süd məhsulları; toyuq, qarğıdalı və yerfıstığından uzaq durmaq.
-
AB (IV)qan qrupu: Tərəvəz, dəniz məhsulları və süd məhsullarının balanslı qəbulu ilə qarışıq pəhriz.
Pəhriz tərəfdarları həzmi yaxşılaşdırmaq, enerjini artırmaq və xroniki xəstəlik riskini azaltmaq məqsədilə bu tövsiyələri verir.
Hazırda aparılan araşdırmalar qan qrupu pəhrizinin təsirini dəstəkləyən güclü sübutlar təqdim etməyib. Müsbət təsirlər əsasən ümumi sağlam qidalanma vərdişlərinə bağlıdır. Məsələn, tərəvəz və tam taxılların istehlakı, süd məhsullarının balanslı qəbulu qan qrupundan asılı olmayaraq həzmi yaxşılaşdırır və ürək sağlamlığını dəstəkləyir.
Süd məhsullarından tamamilə imtina kalsium və D vitamini çatışmazlığına səbəb ola bilər. Eyni zamanda, bəzi qan qrupları üçün ət istehlakının tam qadağan edilməsi fərdi qida ehtiyaclarını ödəməyə kifayət etməyə bilər.
Ekspertlər bildirir ki, fərdi pəhrizlər dəyərli ola bilər, amma faydalar qan qrupuna deyil, sağlam qidalanma prinsiplərinə əsaslanır. Genetika, həyat tərzi və tibbi ehtiyaclar da nəzərə alınmalıdır.
Tərcümə: Könül Oruc
