"Hər yüngül infeksion virus xəstəliyində bu dərmanlara müraciət etmək yolverilməzdir"
Bu sözləri E-saglam.az-a açıqlamasında uşaq endokrinoloqu, uzman Azad Əkbərzadə deyib.
Onun sözlərinə görə, bəzən uşaqların ağır infeksion xəstəlikləri zamanı sistem müalicəsində sistem şüşəsinə deksametazon qatıldığını eşidirik:
"Bu dərman yaxşı təsir göstərərsə, ailələr uşağın tez sağalması üçün hər xəstələnəndə sistem və deksametazon müalicəsi vermək istəyirlər. Əlbəttə, steroid hormonlar (deksametazon, hidrokortizon, prednizalon və s.) metabolik olaraq güclü dərmanlardırlar və bir çox xəstəliyin müalicəsində istifadə oluna bilirlər. Bununla yanaşı bir dəfə deksametazon qəbul etmiş uşaqlarda da çox ağır fəsad verəcəyini də deyə bilmərik. Amma buna baxmayaraq hər yüngül infeksion virus xəstəliyində bu dərmanlara müraciət etmək yolverilməzdir və ciddi ağırlaşmalara gətirib çıxara bilər".
Könül Oruc
