12 yaşlı Erroll McDowell baş ağrıları hiss etməyə başlayanda həkimlər ona bunun ciddi bir şey olmadığını söylədilər. O zaman Erroll sağlam, aktiv və fit idi, üzgüçülük və idman edir, ailəsi ilə vaxt keçirirdi. Atası Rider həmin dövrdə xoşbəxt həyat yaşadıqlarını bildirir. Ancaq bir müddət sonra Errollun baş ağrıları artdı və başgicəllənmə və ürəkbulanma kimi əlavə simptomlarla birləşdirildi.
E-saglam.az xəbər verir ki, ailəsi oğlunun vəziyyətini ciddi qəbul etdi və bir sıra həkimlərə müraciət etdi, lakin Errollun baş ağrılarının "heç bir ciddi vəziyyətdən qaynaqlanmadığını" və lazımsız MRT-lərin "travmatik" ola biləcəyini söylədilər.
Altı ay ərzində həkimlər Errollun yaxşı olduğunu söylədilər. Bununla belə, simptomlar tarazlıq problemləri və barmaqlarda uyuşma kimi həyəcan verici yeni əlamətlər göstərərək şiddətləndi.
Nəhayət, Errollun atası Rider həkimlərin təkidinə baxmayaraq, skan etməkdə israr etdi. 2013-cü ilin yanvarında aparılan testlər Errolla medulloblastoma adlı sürətlə böyüyən bədxassəli beyin şişi diaqnozu qoydu. Bu pis xəbər onun ailəsini dərindən sarsıtdı. "Rentgenoloq çox ciddi şəkildə içəri girdi və bizə bu dəhşətli xəbəri verdi. Onun beyin sapında qolf topu böyüklüyündə bir kütlə var idi", - Rider deyir.
Erroll cəmi 13 yaşında beyin əməliyyatı keçirib. Ailəsi bu sahədə kifayət qədər maliyyə və tədqiqatın olmamasına diqqət çəkərək uşaqlıq xərçəngi ilə bağlı çatışmazlıqlar barədə məlumatlılığı artırmağa çalışıb. İngiltərədən alınan məlumatlar göstərir ki, beyin şişləri uşaqlar arasında daha çox yayılmış xərçəng öldürücülərindən biridir. Bununla belə, uşaqlıq xərçəngi ilə bağlı tədqiqat investisiyalarının kifayət qədər olmadığı vurğulanır.
Erroll radiasiya terapiyası və kimyaterapiya da daxil olmaqla ağır müalicələrdən keçdi və bir müddət onun xərçəngdən azad olduğu deyilirdi. Ancaq bir il sonra xərçəng yenidən qayıtdı. Ailəsi ABŞ-də və xaricdə bir çox xərçəng tədqiqatçıları ilə görüşüb, Erroll üçün yeni müalicələr axtarır. Nəhayət, Florida Universitetində hədəflənmiş immunoterapiya müalicəsi tapdılar və Erroll daha üç il xərçəngsiz yaşadı.
Gənc xərçəng araşdırmalarına töhfə vermək üçün Amerikada müxtəlif platformalarda məlumatlılığı artırmağa çalışdı və 1 milyon dollardan çox pul toplandı. Lakin 2018-ci ildə medulloblastoma qayıtdı və Erroll 18 yaşında ailəsinin qucağında öldü.
Tərcümə: Könül Oruc
