E-saglam.az xəbər verir ki, həkim, "Gazeta.ru" ilə söhbətində bu ölümcül xəstəliyin əsas əlamətlərini sadalayıb.
Malay ürək çatışmazlığının əsas əlamətlərindən biri kimi təngnəfəslik və yüksək nəbz adlandırdı. Onun sözlərinə görə, təngnəfəslik ürəyin qanı normal şəkildə vura bilməməsi səbəbindən inkişaf edir ki, bu da ağciyərlərin şişməsinə və orada mayenin yığılmasına səbəb olur. Həmçinin, bu xəstəlik tez-tez həddindən artıq yorğunluq və zəiflik hissi ilə müşayiət olunur.
Bundan əlavə, kardioloq bildirib ki, ürək çatışmazlığı olan xəstələrdə ayaqlarda, topuqlarda şişlik və qarında mayenin yığılması müşahidə olunur: “Çəki artımını qeyd etməyə dəyər. Ürək çatışmazlığı olan insanların çoxu tədricən çəki alır. Bu, yağın yığılması ilə deyil, bədəndə, tez-tez qarın boşluğunda mayenin yığılması ilə əlaqədardır. Əgər gün ərzində çəkiniz bir kiloqramdan çox artarsa, bu, inkişaf etmiş ürək çatışmazlığının əlamətidir”.
Tərcümə: Könül Oruc
