Bir çox insanlar idmanın bel ağrısını aradan qaldırmağa kömək edə biləcəyinə inanır, lakin bütün idman növləri eyni dərəcədə faydalı deyil.
E-saglam.az xəbər verir ki, ortoped Matthias Manke bizə hansı məşqlərdən qaçınmaq lazım olduğunu söylədi.
"Əgər davamlı olaraq bel ağrınız varsa, futboldan imtina etmək daha yaxşıdır. Məsələ burasındadır ki, bu cür idmanla bədən çoxlu sürətli fırlanma hərəkətləri etməli olur ki, bu da onurğaya əlavə gərginlik yaradır.
Dayanırsan, istiqamətini dəyişirsən, sonra yenidən sürətlənirsən.
Eyni səbəbdən bel ağrısı olan insanlar badminton, tennis, voleybol və squatdan uzaq durmalıdırlar.
Əgər kürəyiniz üçün təhlükəsiz idman növü axtarırsınızsa, çox sürətli, fırlanan hərəkətləri ehtiva etməyən birini seçin. Məsələn, Nordic gəzinti, velosiped və ya üzgüçülük ola bilər".
Tərcümə: Könül Oruc
