Dölyanı mayenin çox olması – mamalığın aktual və hələ də sona qədər öyrənilməmiş problemlərindən biridir. Hamiləlikdə suyun çox olması nə deməkdir?
Mövzu ilə bağlı E-saglam.az-a açıqlama verən Dr.Ginekoloq Xəyalə İsmayılova bildirib ki, bu patologiya amniotik boşluqda mayenin artıq olması ilə xarakterizə olunur:
"Yəni, dölyanı maye hamiləliyin sonunda 1,5 l-dən, çoxsaylı xarici ədəbiyyatlara görə isə – 2 litrdən çox olur. Patologiyanın rastgəlmə tezliyi 0,3-1,2% təşkil edir. Adətən kliniki əlamətlər mayenin həcmi 3 l-dən çox olduqda ortaya çıxır".
Dölyanı mayenin çoxluğu nə ilə təhlükəlidir?
Ginekoloqun sözlərinə görə, dölyanı mayenin artıq olması həm döl, həm də, ana üçün təhlükəlidir:
"Adətən erkən dövrlərdə ondan qabaq hamiləlik qusması (36%-də), plasentar çatmamazlıq, özbaşına düşüklər, dölün hipotrofiya və hipoksiyası, bətndaxili inkişafın ləngiməsi ola bilər".
Könül Oruc
