E-saglam.az xəbər verir ki, onlar mütəmadi olaraq qan təzyiqi, xolesterin və çəki kimi ürək-damar risk faktorlarına nəzarət etməlidirlər.
Yeni araşdırmalar göstərir ki, ginekoloji xəstəliklər ürək xəstəliyi riskini artıra bilər.
Kanadada aparılan geniş miqyaslı meta-analizə görə, ekspertizadan keçmiş bir jurnalda dərc olunan endometrioz və polikistik yumurtalıq sindromu kimi ginekoloji xəstəliklər ürək-damar xəstəlikləri riskini 28 faiz artıra bilər.
Bu əlaqənin xroniki iltihab, hormonal balanssızlıqlar və insulin müqaviməti kimi faktorlara bağlı ola biləcəyi ifadə edilir. Tədqiqatın digər diqqətəlayiq tapıntısı isə bu riskin gənc yaşlarda ortaya çıxa bilməsi idi. Bu vəziyyət erkən diaqnozun və mütəmadi müayinələrin əhəmiyyətini bir daha göstərir.
Yeni araşdırmanı şərh edən Dos. Dr. Mine Dağgez qadın xəstəliklərinin təkcə reproduktiv sağlamlığa deyil, bütün bədən sisteminə də təsir edə biləcəyini qeyd edib.
Dos. Dr. Mine Dağgez uzun müddət hormon müalicəsi və ya cərrahi müdaxilə keçirən xəstələrin mütəmadi olaraq ürək-damar müayinəsindən keçməli olduğunu vurğuladı və qeyd etdi:
"Ginekoloji xəstəlikləri olan qadınlar qan təzyiqi, xolesterin və çəki kimi ürək-damar risk faktorlarını mütəmadi olaraq izləməlidirlər. Bu xəstələrin sağlam qidalanma, idman və stresslə mübarizə kimi ürək-sağlam həyat tərzi vərdişlərini mənimsəmələri böyük əhəmiyyət kəsb edir".
Tərcümə: Könül Oruc
