İngilis həkimləri iddia edirlər ki, 30 yaşdan yuxarı hər üçüncü insan gecə sidiyə getmə istəyi yaşayır.
E-saglam.az xəbər verir ki, bununla belə, “SberZdorovye” tibb şirkətinin uroloqu Pavel Nizin xəbərdarlıq edib ki, nokturiya – tez-tez tualetə getmək zərurəti – nəinki yuxunu pozur və yuxusuzluğa səbəb olur, həm də ümumilikdə həyat keyfiyyətini aşağı salır.
Gecələr sidiyə getməyə çağırışın hansı tezliyi sağlamlıq problemlərini göstərir?
Gecələr 1 dəfədən çox tualetə getmək, sağlamlıq problemlərini göstərə bilər.
Həkim, bir insanda birdən-birə nokturiyanın göründüyü hallarda xüsusilə diqqətli olmağı tövsiyə etdi. Onun sözlərinə görə, bu halda sidik kisəsinin tez-tez boşaldılması ehtiyacı uroloji və bəzi digər xəstəliklər, o cümlədən 2-ci tip şəkərli diabet və sidik yollarının infeksiyaları ilə bağlı ola bilər.
Tərcümə: Könül Oruc
