Endokrinoloq Prof.Dr.Anna Marçenko “İzvestiya”ya müsahibəsində qeyd edib ki, sağlam qidalanma və həyat tərzinə riayət olunsa belə, artıq çəki artımının müxtəlif səbəbləri ola bilər.
E-saglam.az xəbər verir ki, Marçenkonun fikrincə, sadəcə qidalanmanıza diqqət yetirmək kifayət deyil, gündəlik fiziki fəaliyyət səviyyənizi qorumaq da vacibdir.
Marçenko vurğulayıb ki, yaşla maddələr mübadiləsi yavaşlayır və əzələ kütləsinin itirilməsi orqanizmin əvvəlki kimi çox kalori yandırmamasına səbəb olur. "20
Həkim artıq çəkinin qarşısını almaq üçün gündə ən azı bir saat gəzinti kimi aktiv fəaliyyətlərlə məşğul olmağı tövsiyə edir. "Nə qədər çox hərəkət etsəniz, bir o qədər çox kalori yandırırsınız. Pəhrizinizi sərtləşdirməzdən əvvəl gündəlik fəaliyyətinizi artırmağa çalışın", - dedi.
Qalxanabənzər vəzin hormonlarının pozulması və insulin müqaviməti ilk səbəbdir
Ancaq bəzi xəstələrin bütün bu tədbirlərə baxmayaraq kökəlməyə davam edə biləcəyini deyən Marçenko, artıq çəkinin altında yatan hormonal balanssızlıqlar ola biləcəyini qeyd etdi. O bildirib ki, estrogen, progesteron, qalxanabənzər vəzi hormonları və insulin müqavimətində olan pozğunluqlar, xüsusilə də menopoz zamanı qadınlarda ani çəki artımına səbəb ola bilər.
Marçenko xatırladıb ki, hormonal balanssızlığın aşkarlanması və müalicəsi yalnız həkim nəzarəti altında dərman müalicəsi ilə mümkündür. O vurğulayıb ki, piylənmə şübhəsi varsa, bədən kütlə indeksi (BKİ) hesablanarkən və 24,9 həddi keçdikdə mütləq mütəxəssis dəstəyi axtarılmalıdır: “BKİ 27 və ya yuxarıdırsa, arıqlama üsullarını ciddi şəkildə düşünməlisiniz”.
Mütəxəssisin fikrincə, müasir üsullar ac qalmadan və ciddi pəhrizlərə əl atmadan sağlam şəkildə arıqlamağa imkan verir. Ən yaxşı yol həm qidalanma, həm də fiziki aktivliyi tarazlaşdırmaq və mütəxəssis nəzarəti altında davam etməkdir.
Tərcümə: Könül Oruc
