Bəlğəm tənəffüs yollarında yığılan qalın və yapışqan selikdir, bu da öskürək, narahatlıq və yuxusuzluğa səbəb ola bilər.
E-saglam.az xəbər verir ki, Prof. Dr. Tevfik Özlü bildirib ki, bəlğəmin xaric edilməsi üçün ən təsirli vasitə su içməkdir.
Yetərli miqdarda su (gündə ən az 2-3 litr) bəlğəmi mayeləşdirir, axıcılığını artırır və onun tənəffüs yollarından daha asan çıxmasını təmin edir. Az su istehlakı bəlğəmi daha yapışqan edir və çıxarılmasını çətinləşdirir.
Bununla yanaşı, çay və qəhvə suyu əvəz etmir, çünki bu içkilər bədəndən daha çox su itirilməsinə səbəb olur. Su içməkdə çətinlik çəkən şəxslər üçün ayran, sulu şorba və ya kompot tövsiyə edilir.
Su məhdudiyyəti olan xəstələr, məsələn, ürək və ya böyrək çatışmazlığı olanlar, su qəbulunu artırmadan əvvəl mütləq həkimə müraciət etməlidirlər. Bu sadə, lakin effektiv üsul tənəffüs sağlamlığını qorumaqda vacibdir.
Tərcümə: Könül Oruc
