Rusiyada 10 yaşlı uşaq faciəli şəkildə dünyasını dəyişib.
E-saglam.az Rusiya KİV-ə istinadən xəbər verir ki, hadisə Perm diyarında qeydə alınıb.
Hüquq-mühafizə orqanlarının məlumatına görə, azyaşlı mobil telefonun qurbanı olub
“10 yaşlı uşaq enerjiyə qoşulu telefonla oynayarkən onu cərəyan vurub öldürüb. Qonşu otaqda olan bacısı uşağın dəhşətli qışqırığını eşidib. Dərhal qardaşına köməyə gəlsə də artıq gec olub, azyaşlı anındaca ölüb.”
Hazırda enerjinin 12 voltdan 220 volta necə yüksəldiyi araşdırılır.
Regional İstintaq Komitəsi tərəfindən “ehtiyatsızlıqdan adamın ölümünə səbəbolma” maddəsi ilə cinayət işi açılıb. Hələlik heç kim ittiham olunmayıb. Telefonun texniki ekspertizası təyin edilib. /lent.az/
