2021-2025-ci illərin yanvar-aprel aylarında Azərbaycanda istehlakçılara satılan əczaçılıq məhsulları və tibbi ləvazimatların dəyəri açıqlanıb.
E-saglam.az xəbər verir ki, bu barədə İqtisadiyyat.az Dövlət Statistika Komitəsinin hesabatı əsasında hesablamalar aparıb.
5 ilin eyni dövründə istehlakçılar əczaçılıq məhsulları və tibbi ləvazimatlara 1 milyard 890 milyon manat xərcləyiblər.
Təkcə bu ilin yanvar-aprel aylarında Azərbaycan əhalisi 465 milyon manatlıq əczaçılıq məhsulları və tibbi ləvazimatlar alıb. Beləliklə, bu göstərici son 5 ilin ən yüksək səviyyəsinə çatıb.
|
İllər |
Xərc |
|
2021 |
283,7 milyon manat |
|
2022 |
340,7 milyon manat |
|
2023 |
399,5 milyon manat |
|
2024 |
401,9 milyon manat |
|
2025 |
465 milyon manat |
Qeyd edək ki, bu ilin yanvar-aprel aylarında pərakəndə ticarət şəbəkəsində istehlakçılara 18,4 milyard manatlıq, o cümlədən 10,3 milyard manatlıq ərzaq məhsulları, içkilər və tütün məmulatları, 8,1 milyard manatlıq qeyri-ərzaq malları satılıb. 2024-cü ilin yanvar-aprel ayları ilə müqayisədə pərakəndə ticarət dövriyyəsi real ifadədə 3,7 faiz, o cümlədən ərzaq məhsulları, içkilər və tütün məmulatları üzrə 1,6 faiz, qeyri-ərzaq malları üzrə 6,4 faiz artıb.
Bu dövrdə alıcıların pərakəndə ticarət şəbəkəsində aldıqları mallara xərclədiyi vəsaitin 51,2 faizi ərzaq məhsullarının, 4,9 faizi içkilər və tütün məmulatlarının, 13,3 faizi toxuculuq məhsulları, geyim və ayaqqabıların, 6,3 faizi avtomobil benzini və dizel yanacağının, 4,3 faizi elektrik malları və mebellərin, 2,5 faizi əczaçılıq məhsulları və tibbi ləvazimatların, 1,3 faizi kompüterlər, telekommunikasiya avadanlıqları və çap məhsullarının, 16,2 faizi isə digər qeyri-ərzaq mallarının alınmasına sərf olunub.
