Mütəxəssis dietoloq və fitoterapiya mütəxəssisi Merve Öz bildirir ki, E vitamini dərini nəmləndirir, qoruyur və bərpa edir. Güclü antioksidant olan bu vitamin dərini sərbəst radikallardan qoruyaraq yaşlanmanı yavaşladır.
E-saglam.az E vitamininin dəriyə əsas faydalarını təqdim edir:
1. Güclü nəmləndirici
E vitamini dərinin təbii nəm balansını qoruyur, dərini yumşaq saxlayır və xarici təsirlərə qarşı qoruyur. Dəri baryerini gücləndirərək qurutma və soyulmanın qarşısını alır.
2. Yaşlanma əleyhinə təsir
Sərbəst radikallarla mübarizə apararaq dəridə qırışların və elastiklik itkisinə səbəb olan təsirləri azaldır. Kollagen istehsalını dəstəkləyir, dərini daha gənc və möhkəm saxlayır.
3. Təbii günəş qoruyucu
E vitamini UVB şüalarını udaraq günəşin zərərli təsirlərindən qoruyur. Günəş yanığının sağalmasını sürətləndirir və dəriyə sakitləşdirici təsir göstərir.
4. Ləkəyə qarşı
Hiperpiqmentasiya və günəş ləkələri kimi dəri rəngi bərabərsizliyini azaldır. Dəri tonunu bərabərləşdirməyə kömək edir.
5. Güclü bərpaedici
Yaraların, uzanma izlərinin və digər dəri zədələrinin sağalmasını sürətləndirir. Hüceyrə yenilənməsini dəstəkləyir və dərini daha sağlam edir.
Təbii E vitamini mənbələri
E vitamini ilə zəngin olan qidalar bunlardır:
Bitki yağları: Zeytun yağı, günəbaxan yağı
Qoz-fındıq və toxumlar: Badam, fındıq, fıstıq, günəbaxan tumları
Balıqlar: Alabalıq, qızılbalıq
Tərəvəz və meyvələr: Brokoli, balqabaq, ispanaq, kələm, qulançar, pazı, avokado, manqo, kivi, qırmızı şirin bibər
Bədən üçün əhəmiyyəti
E vitamini hüceyrələri oksidləşdirici stresdən qoruyur. Onun çatışmazlığı infeksiya riski, dəri problemləri, görmə zəifliyi, əzələ zəifliyi və hətta ürək xəstəlikləri riskini artırır.
- Ürək-damar sistemini qoruyur
- Qan laxtalanmasının qarşısını alır
- Qan damarlarını genişləndirir
- Yağlı qaraciyər xəstəliyi riskini azalda bilər.
Tərcümə: Könül Oruc
