Uzun illərdir hamiləlikdən qorunma üsulu olaraq həblərdən istifadə olunur.
Bu sözləri E-saglam.az-a açıqlamasında Radioloq - Mammoloq TEN. Dr. Günel Əliyeva bildirib.
Onun sözlərinə görə, süd vəzi xərçəngi də sıxlıqla hormonlardan asılı olan bir xərçəngdir. Buna görə də doğum nəzarət həblərinin süd vəzi xərçənginə səbəb olub olmayacağı haqqında suallar yaranır.
Bəs doğuşa nəzarət həblərinin istifadəsi süd vəzi xərçənginə səbəb olurmu?
İndiyə qədər aparılan sahə tədqiqatlarında bu gün istifadə edilən aşağı hormonlu kontraseptiv həblərin süd vəzi xərçəngi riskini artırdığını göstərən heç bir qəti sübut aşkarlanmamışdır.
Ancaq süd vəzi xərçəngi və ya şübhəli bir vəziyyət varsa, yaxın ailə fərdlərində xərçəng aşkar olunubsa, bu dərmanlardan istifadə edilməməlidir. Bu dərmanlar süd vəzi xərçənginə səbəb olmasa da, artıq yaranmış süd vəzi xərçənginin inkişaf sürətinə bir növ təsir edə bilər. Bundan əlavə, bu dərmanların riskli şəxslərdə xüsusilə çox uzun müddət (5-10 ildən çox) istifadəsinin riski artıra biləcəyinə dair tapıntılar ola bilər.
Könül Oruc
