Heç vaxt yaxınları tərəfindən ziyarət edilməmiş insanlar üçün ölüm riski digər insanlara nisbətən 39 faiz yüksəkdir.
E-saglam.az-ın xəbərinə görə, Şotlandiyada aparılan son araşdırma nəticəsində belə qənaətə gəlinib.
“BMC Medicine” jurnalında dərc edilən və orta yaşı 56,5 olan 458,146 insanın iştirak etdiyi araşdırmada ailə eləcə də dostlarla görüşməməyin ölüm riskini artırdığı aşkarlanıb.
Hamiş Fosterin rəhbərlik etdiyi tədqiqatçılar qrupu sosial qarşılıqlı əlaqənin müxtəlif aspektlərini araşdırıb. 33 135 nəfər üzərində 12 il ərzində aparılan müşahidələr yaxınları tərəfindən heç vaxt ziyarət olunmayanlar üçün ölüm riskinin 39 faiz daha yüksək olduğunu göstərib./Lent.az
