Ürək problemlərinin əlamətlərindən biri dırnaqlarda görünə bilər.
E-saglam.az xəbər verir ki, bu barədə "Ekspress" nəşrinə məlumat verən həkim Ceyms O'Donovan insanları dırnaq altında yaranan tünd ləkələrə, xüsusilə də qırıq qanaxmalara diqqətli olmağa çağırıb.
O bildirir ki, dırnağın üst hissəsində görünən nazik, tünd xətt şəklindəki cizgilər qırıq qanaxmalar adlanır. Bu izlər dırnaq yatağında yerləşən kiçik qan damarlarının (kapilyarların) zədələnməsi nəticəsində yaranır.
Dırnaqlarda müşahidə olunan bu tip xətt və ya ləkələr müxtəlif səbəblərdən, o cümlədən:
- Dırnaq yatağının zədələnməsi,
- Raynaud xəstəliyi kimi bəzi sistem xəstəlikləri,
- Endokardit – ürəyin daxili qişasının iltihabı (xüsusilə də yoluxucu mənşəli) ilə əlaqəli ola bilər.
Qeyd edək ki, endokardit əlamətləri bəzən zəif ifadə olunur və həftələrlə, bəzən isə aylarla yavaş şəkildə inkişaf edir. Lakin bəzi hallarda bu simptomlar qəfil və sürətlə ortaya çıxa bilər.
Həkim Ceyms O'Donovan bu cür əlamətlərin yaranması halında həkimə müraciət etməyi tövsiyə edir.
Tərcümə: Könül Oruc
