Dərinin qəfil dəyişməsi stress və yorğunluqdan ciddi patologiyalara qədər gizli problemləri göstərə bilər.
E-saglam.az xəbər verir ki, bu sözləri aptek rəhbəri, mütəxəssis Niamh Makmillan "The Sun"a dəri rənginə görə xəstəlikləri necə tanıya biləcəyimizi izah edərkən deyib.
Mütəxəssisin fikrincə, üz ürəkbulanma, narahatlıq və ya virus infeksiyası səbəbindən yaşılımtıl rəng ala bilər.
"Siyanoz nəfəs alma mavi-boz-yaşıl rəng göstərir və ya ürək problemləri ilə əlaqələndirilir", - deyə o, bildirdi.
Makmillan qeyd edib ki, dəri solğunluğu anemiya və yorğunluq, həmçinin başgicəllənmə və huşunu itirmə səbəbindən baş verə bilər. Ani solğunluq da aşağı qan təzyiqi, susuzlaşdırma və ya şok reaksiya ola bilər. Belə hallarda mütəxəssis həkimə müraciət etməyi tövsiyə edir.
"Xüsusilə göz ətrafındakı sarı dəri sarılıqdan xəbər verə bilər. Həm də bu vəziyyətdə sidik tünd bir rəng alır və nəcis, əksinə, yüngül olur. Bu vəziyyət təcili tibbi yardım tələb edir", - Makmillan xəbərdarlıq etdi.
İstilik, güclü emosiyalar və ya həddindən artıq iş səbəbindən üz qırmızıya çevrilə bilər. Ancaq qızartı uzun müddət keçmirsə, bu, yüksək təzyiq və ya rosacea ola bilər. Ani qızartı, xüsusilə artan tərləmə və nəfəs darlığı ilə müşayiət olunarsa, şişlərin hormonal fəaliyyəti nəticəsində yaranan simptomlar kompleksi olan karsinoid sindromu ola bilər deyə, Makmillan yekunlaşdırdı.
Tərcümə: Könül Oruc
