Xolesterinin yüksək səviyyədə olması damarların sağalmlığına ciddi ziyan vurur. Artıq xolesterin damarlarda yığılaraq onları daraldır, zəif, kövrək, partlamaya meylli olan edir.
E-saglam.az xəbər verir ki, bu proses ürək və ya beyin damarlarında baş verdikdə, infarkt və insultun riski kəskin artır. Nəzərinizə çatdıraq ki, bütün dünya üzrə ölümün ilk səbəbi ürək-damar sistemi xəstəlikləridir ki, insult və infarkt əksər hallarda onların fəsadı kimi meydana çıxır.
Xolesterin yüksək səviyyədə olanda onu normallaşdırmaq məqsədi ilə xüsusi preparatlar - statinlər təyin olunur. İnsan bu preparatları ömrünün sonuna qədər qəbul etməlidir. Lakin istənilən dərmanın uzun müddət ərzində qəbulu orqanizmə bu və ya digər formada ziyan vurur. Məsələn, statinlər böyrəklərin sağlamlığına mənfi təsir edir.
Bu vəziyyətdə orqanizmə statinlərin təsirinə oxşar təsir edən bəzi qida məhsulları köməyimizə çatacaq.
Tanınmış rusiyalı həkim Aleksandr Myasnikov belə qidaların adını açıqlayıb. Bu yabanı düyü, çərəzlər, dəniz məhsulları, kətan yağı və sarımsaqdır. Bu məhsulların müntəzəm istehlakı xolesterinin səviyyəsini aşağı salır.
Həmçinin həkim bildirib ki, fiziki aktivlik pis xolesterinin daha tez parçalanması və orqanizmdən xaric edilməsinə yardım edir. (Saglamolun.az)
