Rumıniyada da metapnevmovirus xəstəliyinə yoluxma aşkar edilib.
E-saglam.az-ın "Bihoreanul" nəşrinə istinadla məlumatına görə, bu barədə bölgənin İctimai Səhiyyə İdarəsinin rəhbəri Kelin Sonya məlumat verib.
"Bihor bölgəsində bir xəstədə HMPV-nin (metapnevmovirus) ilk halı təsdiqlənib. Kantakuzino İnstitutunda aparılan analizlərdən sonra onun ştamı da müəyyən ediləcək", - deyə o bildirib.
Sonyanın sözlərinə görə, 67 yaşlı pasiyent ölkədən kənara səfər etməyib.
"Bununla əlaqədar bölgənin tibbi qurumları epidemioloji araşdırmaya başlayıb. Pasiyent xəstəxanaya yerləşdirilib və təcrid olunub. Onun vəziyyəti stabildir", - deyə qurumun rəhbəri əlavə edib.
Xatırladaq ki, COVID-19 pandemiyasından beş il sonra Çində yeni epidemiya - insan metapnevmovirusu (HMPV) baş qaldırıb. Bu xəstəlik zəifləmiş pasiyentlərdə pnevmoniyaya çevrilə bilir. Çindən başqa Qazaxıstanda və Qırğızıstanda da yoluxma halları barədə məlumat verilib.
© oxu.az
