Vyetnam məhkəməsi Le Van Trini COVID-19 məhdudiyyətlərini pozduğuna və 8 nəfəri koronavirusa yoluxdurduğuna görə 5 il həbs cəzası verib.
E-saglam.az xarici mediaya istinadla verdiyi xəbərə görə, 28 yaşlı Le Van Tri təhlükəli yolxucu xəstəliyin ötürülməsində günahkar bilinib. Onun yoluxdurduğu şəxslərdən biri ölüb.
Vyetnamlı azadlıqdan məhrum edilməklə yanaşı 880 dollar cərimə də ödəməlidir.
Le Van Tri may ayının əvvəlində Xoşimin şəhərindən doğma Kamau əyalətinə gəlib.
O, 21 günlük karantindən keçməli olsa da, lakin təcrid qaydalarına əməl etməyib.
Məhkəmə sənədlərində qeyd edilir ki, kişi məcburi vergi bəyannaməsini dolduraraq son səfərləri haqqında yalan danışıb.
Daha sonra onun COVID-19-a yoluxduğu təsdiqlənib. Nəticədə vyetnamlı ailə üzvlərini və sosial mərkəzin işçilərini də yoluxdurub./lent.az/
