Çində aparılan gen terapiyası sayəsində eşitmə qüsuru ilə doğulan 5 uşaq eşitmə qabiliyyəti qazanıb.
E-saglam.az “The Guardian” qəzetinə əsasən xəbər verir ki, Çinin Fudan Universitetinin həkimləri 1-11 yaş arası eşitmə qüsurlu 5 uşağa gen terapiyası tətbiq ediblər.
Araşdırmada eşitmə itkisi ilə əlaqəli olan “Otof geni”ndə olan mutasiyaların funksional surətlərinin daxili qulağa yerləşdirildiyi bildirilib.
Müalicənin qulaqdakı hüceyrələr tərəfindən bu funksional nüsxələrdən şablon kimi istifadə edilərək həyata keçirildiyi qeyd edilib.
Müalicə alan 5 uşağın hamısının eşitmə qabiliyyəti bərpa edilib.
Araşdırmada müalicə olunan uşaqlardan birinin öz adına cavab verdiyi, digərinin isə bəzi cümlələri anlaya bildiyi qeyd edilib.
Araşdırmanın müəlliflərindən biri olan Dr. Zheng-Yi Çen, "heyrətləndirici" olaraq xarakterizə etdiyi araşdırmanın nəticələrinin uşaqların eşitməsində irəliləyiş olduğunu vurğulayıb:
"Eksperimental nəticələrin eşitmə qüsuru ilə bağlı digər araşdırmalara da kömək edəcəyinə ümid edirik. Bizim əsas məqsədimiz səbəbi nə olursa-olsun, insanların eşitmə qabiliyyətinin bərpa olunmasına kömək etməkdir".
Qeyd edək ki, araşdırmanın nəticələri "Nature" jurnalında dərc olunub.
Tərcümə: Könül Oruc
