Sağlamlıq üsulları və məsləhətləri ilə tanınan Prof. Dr Canan Karatayın sevimli içkisinə elmi dəstək gəlib.
E-saglam.az xəbər verir ki, təbii sağlamlıq üsulları ilə tanınan bir ad olaraq Canan Karatay son zamanlar sirkə istifadəsi ilə bağlı yeni tövsiyələri ilə gündəmə gəlib. Limonlu suyun faydalarından sonra Karatay indi sirkənin sağlamlığa faydalarına diqqət çəkdi. Alma sirkəsinin sağlamlıq sahəsində mühüm yer tutduğunu vurğulayan Karatay bu tövsiyəyə elmi cəhətdən dəstəklənən nəticələrlə aydınlıq gətirib.
Karatayın sirkə tövsiyəsinə elmi dəstək
Prof. Dr. Canan Karatay min illərdir təbii dərman hazırlamaq üçün alma sirkəsindən istifadə edildiyini bildirib. Karatayın tövsiyəsi Arizona Dövlət Universitetinin apardığı araşdırma ilə dəstəklənib. Araşdırmada artıq çəkisi olan 28 sağlam insan iştirak edib və iştirakçılar iki fərqli qrupa bölünüb.
Birinci qrup gündə iki dəfə 2 xörək qaşığı maye sirkə içib.
İkinci qrup hər gün az miqdarda sirkə olan əlavələr qəbul edib.
Araşdırma çərçivəsində sirkə istehlakının sağlamlığa təsiri araşdırılıb.
Sirkənin depressiya əlamətlərinə təsiri
Araşdırmanın nəticələri maye sirkə istehlakının sağlamlığa faydalarını ortaya çıxarıb. Maye sirkə istehlak edən iştirakçılarda B3 vitaminində 86 faiz artım müşahidə olunub. Diyetoloq Haley Barrong, dörd ay ərzində hər gün maye sirkə istifadə edən insanların depressiya əlamətlərinin azaldığını vurğulayıb. Maye sirkə qəbul edən insanlarda depressiya əlamətlərinin 42 faiz azaldığı ifadə edilərkən, sirkə həbi qəbul edənlərdə bu nisbət yalnız 18 faiz olub.
Ev sirkəsindən istifadə etməyin praktik yolu
Evinizdə narahat bir atmosfer varsa, alma və ya üzüm sirkəsindən istifadə edərək rahatlıq tapa bilərsiniz. Bir qazana bir stəkan su və ya bir çay stəkan sirkə töküb qaynatmaq kifayət edər. Bu üsul ətraf mühitin daha dinc olmasına kömək edə bilər.
Prof. Dr. Canan Karatayın sirkə tövsiyəsi elmi araşdırmalarla dəstəklənən sağlamlıq tövsiyəsi olaraq önə çıxır. Sirkənin sağlamlığa müsbət təsiri xüsusilə depressiya əlamətlərinin azalması ilə diqqət çəkir. Evdə sirkədən istifadənin sadə və təsirli üsulları ilə həm fiziki, həm də ruhi sağlamlığı dəstəkləmək mümkün ola bilər. Sirkənin müntəzəm və düzgün istifadəsi həm sağlamlığın yaxşılaşdırılmasında, həm də həyat keyfiyyətinin yaxşılaşdırılmasında mühüm rol oynaya bilər.
Tərcümə: Könül Oruc
