Ümumiyyətlə qocalıq xəstəliyi kimi tanınan osteoporoz daha çox qadınlara təsir edir. Özünüzü xəstəlikdən qorumağın yolu sağlam qidalanma və müntəzəm idmandan keçir.
E-saglam.az xəbər verir ki, aşağı bədən kütləsi indeksi də risk faktorları arasındadır. Sağlam bədən çəkisinin qorunması əhəmiyyətlidir. Belə ki, incə bədənli insanların osteoporoz riski iri bədənli, kilolu insanlardan daha yüksəkdir.
Siqaret çəkmək, həddindən artıq spirt və kofeinli içkilərdən istifadə etmək, bəzi dərmanlardan uzun müddət istifadə etmək osteoporoz riskini artıran amillərdəndir.
Bəzi xəstəliklər də sümükləri zəiflədə bilir. Osteoporoz riskini artıran xəstəliklər aşağıdakılardır:
- Revmatoid artrit (vacib və ümumi risk faktoru)
- Mədə-bağırsaq xəstəlikləri (laktoza intoleransı, Kron, iltihablı bağırsaq, çölyak xəstəliyi və s.)
- Xroniki obstruktiv ağciyər xəstəliyi (KOAH)
- Astma
- Bəzi endokrin xəstəliklər (şəkərli diabet, Kuşinq sindromu, hipertiroidizm)
- Xroniki böyrək xəstəlikləri
- HİV/AİDS
- Xərçənglər (prostat və süd vəzi xərçəngi).
Tərcümə: Könül Oruc
