DASH pəhrizi yüksək qan təzyiqinə nəzarət etməklə yanaşı, sağlam həyat üçün mühüm qidalanma modeli kimi qəbul edilir. Bu pəhriz meyvə, tərəvəz, tam taxıl, az yağlı süd məhsulları, paxlalılar, qoz-fındıq və toxum kimi sağlam qidaların istehlakını əhatə edir.
E-saglam.az xəbər verir ki, DASH pəhrizinin təsirlərinə qan təzyiqini azaltmaq, ürək sağlamlığını yaxşılaşdırmaq, çəki vermək və insulinə həssaslığı artırmaq daxildir. Xəstələrə tətbiq edilən bu pəhriz modeli ilə hipertoniya və insulin müqaviməti nəzarət altına alınır və dərmanlar nəzarətli şəkildə dayandırılır.
DASH pəhrizinin faydaları nələrdir?
Qidalanma və pəhriz mütəxəssisi Sevim Akkök hipertoniya xəstələri üçün DASH pəhrizinin təfərrüatlarını açıqlayıb:
"DASH pəhrizi hipertoniyanı dayandıran qidalanma yanaşmaları deməkdir. Bu üsulla biz hipertoniya xəstələrinin əksəriyyətini dərmanlarından azad etdik. DASH pəhrizinin əsası natriumu azaltmaq, sadə karbohidrat və şəkərdən uzaq durmaqdır.
Qidalanma proqramına aşağı glisemik indeksli taxıllar, kompleks karbohidratlar, kök tərəvəzlər, göyərti, kalium, maqnezium və kalsiumla zəngin tərəvəzlər və meyvələr əlavə edilir.
Omeqa-3 yağ turşuları ilə zəngin olan balıqları da zülal mənbəyi olaraq qida rasionumuza əlavə edirik. "Biz doymuş və trans yağları az olan və faydalı yağlarla zəngin qidalanma proqramı yaradırıq".
Mütəxəssis bildirib ki, DASH pəhrizində natrium nisbətinin çox vacib olduğunu vurğulanır: "Natrium istehlakının 2400 milliqram ilə 1500 milliqram arasında olması lazımdır. 1500 milliqram natrium qəbulu bizim üçün aşağı natriumlu pəhrizə düşür. Yəni duz istehlakında gündə bir çay qaşığı duzu keçməməliyik.
Başqa bir üsul məhsul alarkən etiketləri oxumaqdır. Etiketləri oxumaq bizə gündəlik natrium qəbulunu idarə etməyə kömək edir. Natrium qəbulu üçün riskli qidalara turşu qidalar, işlənmiş ət və qida məhsulları, fast food və yetişmiş pendir daxildir. Hazır sousların və qazlı içkilərin etiketləri mütləq oxunmalıdır".
Sevim Akkök karbohidrat və meyvə seçimində aşağı glisemik indeksli qidaların istehlakının vacib olduğunu ifadə etdi:
"Aşağı glisemik indeksli qidalar qan şəkərini daha yavaş artırır və gün ərzində qan şəkərinin daha balanslı olmasına kömək edir. Təkcə pəhrizlə deyil, həyat tərzi dəyişiklikləri ilə də dəstəklədiyimiz xəstələrimiz bir-bir təzyiq dərmanlarından qurtulur.
Daha da önəmlisi, təzyiq xəstəliyinin kök səbəbini tapıb ona diqqət yetirdikdə çox yaxşı nəticələr əldə etdiyimizi görürük. "DASH pəhrizi təkcə hipertoniyanı dayandırmır, həm də insulin müqaviməti kimi əsas xəstəlikləri müalicə etməyə kömək edir".
Tərcümə etdi: Könül Oruc
