"Xanax" və digər benzodiazepinlər uzun müddətdə beynin kiçilməsinə səbəb ola bilər.
E-saglam.az "Live Science"ə istinadla xəbər verir ki, bu maddələr narahatlıq pozğunluqlarını müalicə etmək üçün istifadə olunur .
Benzodiazepinlər ümumiyyətlə yuxusuzluq, narahatlıq və nöbet pozğunluqlarını müalicə etmək üçün təyin olunan sedativ dərmanlardır. Onlar mərkəzi sinir sisteminin, yəni beyin və onurğa beyninin fəaliyyətini boğurlar. O, insanın əhval-ruhiyyəsini yaxşılaşdıra, əzələ spazmlarını aradan qaldıra, həmçinin yuxusuzluğa son qoya bilər.
"Xanax" da daxil olmaqla bu dərmanlar yüksək dərəcədə asılılıq yaradır və əvvəlki tədqiqatlar göstərib ki, uzunmüddətli istifadə yaddaş və hərəkət problemləri riski daşıyır. Buna görə də, onların mümkün olan ən aşağı dozada və ən qısa müddətdə, adətən iki-dörd həftə ərzində istifadə edilməsi tövsiyə olunur. Benzodiazepinlər təyin olunan xəstələrin 6% -dən 15% -ə qədəri bu dərmanları altı aydan çox qəbul edir.
Hollandiyadan olan beş min insan üzərində aparılan yeni bir araşdırmada tədqiqatçılar uzunmüddətli benzodiazepin istifadəsi zamanı diqqətli olmağa əsas verən başqa bir səbəb tapıblar. Onlar müəyyən ediblər ki, bu dərmanlar beynin iki sahəsinin - hipokampus və amigdalanın həcmində yaşa bağlı təbii enişi sürətləndirə bilər. Birincisi yaddaşın formalaşmasına, ikincisi isə duyğulara cavabdehdir. Benzodiazepin qəbul edənlərin demans inkişaf etdirmə ehtimalı daha yüksək olub.
Benzodiazepinləri yuxu dərmanı kimi qəbul edən iştirakçılar, narahatlığı müalicə etmək üçün qəbul edənlərə nisbətən ağ maddənin həcmini daha tez itiriblər.(publika.az)
