Təbiətdə tapılan bəzi bitkilər insan sağlamlığı üçün unikal faydalar təqdim edir. Vəzəri yaşıl yarpaqlı, sağlam və qidalı bitki kimi tanınır. Hər bölgədə yetişə bilən vəzəri, müntəzəm olaraq istehlak edildikdə orqanizm üçün təbii dərman rolunu oynayır.
E-saglam.az xəbər verir ki, vəzərinin acı və kəskin dadı var. Yarpaqları və kökləri daha çox yeyilir. Eyni zamanda bu bitkinin yer üstü hissələrindən də dərman hazırlanır.
Xüsusilə tərkibindəki fitokimyəvi maddələr sayəsində antioksidant, sidikqovucu, antimikrobiyal və antidiyabetik təsirlərə də malikdir.
Vəzəri vitamin və mineralların güclü qaynaqlarından biridir. Tərkibində A, C, K və E vitaminləri var.
Maqnezium, kalium, fosfat, dəmir və kalsium baxımından da zəngin olan vəzəri, tərkibindəki omeqa-6 və omeqa-3 yağ turşuları sayəsində ürək sağlamlığının qorunmasını dəstəkləyir.
Ağciyərlər üçün təbii dərman
Vəzəri qan şəkərini balanslaşdırmağa kömək edir. Zədələnmiş qaraciyəri bərpa edir. Vəzəri bədəni toksinlərdən qoruyur və orqanları təmizləyir.
Ağciyər sağlamlığı üçün ən faydalı bitkilər arasındadır. Siqaret çəkmək sağlamlığa zərərlidir və çəkilməməlidir. Xüsusilə siqaret çəkənlərə vəzəridən istifadə etmək tövsiyə olunur.
K vitamini ilə zəngin olan vəzəri sümük əmələ gəlməsini dəstəkləyir və sümük sağlamlığını yaxşılaşdırır. Xərçəngin qarşısını almağa kömək edir. Xüsusilə leykemiya xərçəngində təsirli olan vəzəri xərçəng hüceyrələrinin sayını azaldır və sağlam hüceyrələrin sayının artmasına yol açır.
Siqaret çəkənlər vəzəridən necə istifadə etməlidirlər?
Siqaret çəkənlər ağciyərlərini təmizləmək üçün qaynar suya 15 vəzəri gövdəsi əlavə edərək vəzəri kürüsü hazırlaya bilərlər. Hazırlanmış kürü müalicəsi soyudulur və acqarına və ya yeməkdən təxminən 1 saat sonra qəbul edilməlidir. İstəyə bağlı olaraq, yarım limonu kürüyə sıxmaq olar.
Siqaret çəkənlər, qrip xəstəliklərinə qarşı bədən müqavimətini artırmaq, qan şəkərini tənzimləmək və arıqlamaq istəyənlər vəzəri yeyə bilər. Lakin bununla yanaşı, bəzi risk qrupları vəzəri istehlak edərkən diqqətli olmalıdırlar.
Aşağı qan təzyiqi olan insanlar,
Mədə xəstəliklərindən əziyyət çəkənlər (xüsusilə xoralar, qastrit və reflü)
Anemiya problemi olanlar,
Hipertiroidi olanlar,
Hamilə və ya ana südü verən qadınlar.
Bu məqalə yalnız ümumi məlumat məqsədləri üçün yazılmışdır. Sağlamlığınızla bağlı hər hansı narahatlığınız varsa, həkiminizlə məsləhətləşin.
Tərcümə: Könül Oruc
