Boyun əzələlərində uzunmüddətli gərginlik boyun onurğasının əyriliyinə və boyun ağrılarına səbəb ola bilər.
E-saglam.az xəbər verir ki, bunu PNAS jurnalında dərc olunan araşdırma sübut edib.
Təcrübədə boyunlarını neytral saxlamaq və yorulana qədər 40° irəli və ya geriyə uzatmaq istənən sağlam könüllülər iştirak edib. Əzələlərin və sinirlərin fəaliyyəti elektromiyoqrafiya metodundan istifadə etməklə qiymətləndirilib. Onurğa sütununun hərəkətlərini izləmək üçün xüsusi rentgen texnologiyasından istifadə edilib.
Elm adamları boyunu uzun müddət yöndəmsiz vəziyyətdə saxlamağın əslində əzələlərin yorğunluğuna səbəb olduğunu təsdiqləyiblər. Onurğanın mexanikası da dəyişib, bu da onun qeyri-sabitliyini artırıb.
Tədqiqat yorğunluqdan əvvəl onurğa və əzələlərdə xüsusi dəyişiklikləri müəyyən etməyə kömək edib. İndi alimlər
dinamik hərəkətlərin servikal onurğaya təsirini öyrənməyi planlaşdırırlar.
Müəlliflər belə qənaətə gəliblər ki, nəticələr zəif duruş səbəbiylə boyun ağrısı riskini azaltmaq üçün telefonların və kompüterlərin yenidən dizaynında istifadə edilə bilər.(redaktor.az)
