Mətbəxdə ləzzət artırmaq üçün tez-tez istifadə edilən hazır bulyonlar praktikliyi ilə seçilsə də, sağlamlıq üçün ciddi təhlükələr yaradır. Görünüşdə günahsız olan bu kiçik kublar tərkibindəki yüksək duz və əlavələr sayəsində böyrəkləri yükləyir, sinir sistemini zədələyir və uzun müddətdə ciddi xəstəliklərə səbəb ola bilər.
E-saglam.az xarici mediaya istinadən xəbər verir ki, mütəxəssislər bu cür məhsullardan uzaq durmağı tövsiyə edirlər.
Tərkibində nə var?
Yüksək natrium və mono natrium qlutamat (MSG) hazır bulyonların əsas təhlükəli maddələridir:
- Yüksək natrium böyrək funksiyalarını zəiflədir, bədəndə maye yığılmasına və hipertoniyaya səbəb olur. Ümumdünya Səhiyyə Təşkilatına görə, natriumun yüksək səviyyədə istehlakı böyrək çatışmazlığı və dializ ehtiyacına gətirib çıxara bilər.
- MSG dad gücləndirici kimi istifadə olunur, lakin sinir sisteminə mənfi təsir göstərir. Tədqiqatlar göstərir ki, MSG Alzheimer, Parkinson və digər nevroloji xəstəliklərin inkişafını sürətləndirə bilər.
Kimlər üçün daha təhlükəlidir?
Uşaqlar: Həssas bədənləri bu qatqılara qarşı daha həssasdır.
Hamilə qadınlar: MSG plasentadan keçərək körpənin inkişafına zərər verə bilər.
Xroniki xəstələr: Böyrək və ürək xəstəlikləri olan şəxslərdə əlavə yük yaradır.
Hazır bulyonlardan uzaq durmaqla sağlamlığınızı qorumaq mümkündür. Alternativ olaraq:
Evdə bulyon hazırlayın: Təbii ət və ya toyuq sümüklərini qaynadaraq qida dəyəri yüksək, qatqısız bir qarışım əldə edə bilərsiniz.
Tərəvəz və ədviyyatlardan istifadə edin: Soğan, sarımsaq, yerkökü, kərəviz və müxtəlif ədviyyatlar yeməklərə ləzzət qata bilər.
Təbii məhsullara üstünlük verin: Qablaşdırılmış məhsullardan mümkün qədər uzaq durun.
Hazır bulyonların sağlamlığınız üzərində yaratdığı risklər nəzərə alınmalı və bu məhsulların istifadəsi məhdudlaşdırılmalıdır. Təbii alternativlər həm sağlam, həm də daha təhlükəsizdir. Böyrəklərinizin sağlamlığını qorumaq üçün seçimlərinizə diqqət edin!
Tərcümə: Könül Oruc
