DailyMail-də yer alan xəbərə görə, fevral ayında gənc oğlan çənəsinin sağ tərəfində, qulağına uyğun şişkinlik hiss edib.
E-saglam.az xəbər verir ki, o, bu ağır, lakin ağrısız kütləni əvvəlcə ciddi qəbul etmədi. Gördüyü simptomu Google-da axtardıqdan sonra bunun şişmiş limfa düyünləri və ya tüpürcək vəzi ola biləcəyini öyrəndi. Lenfoma ehtimalı çox aşağı idi və heç bir əlavə əlaməti olmadığı üçün panikaya düşmədi.
Ancaq həftələr keçsə də, şişlik getmədi. Bu dövrdə boğaz ağrısı, yorğunluq və arabir yüngül qızdırma kimi əlamətlər yaşamağa başlayıb. O, bu vəziyyəti gərgin iş tempi və yeni mühiti ilə əlaqələndirib. Lakin həkimə müraciət edəndə tonzillitə şübhə yaranıb və antibiotik müalicəsi başlayıb.
Antibiotiklər təsir etmədikdən sonra əlavə müayinələr aparıldı və ona 2-ci mərhələ qeyri-Hodgkin lenfoması diaqnozu qoyuldu.
Kimyaterapiya ilə mübarizə aparan Joshua erkən diaqnozun əhəmiyyətini vurğulayır. O, “Xahiş edirəm, mənim etdiyim səhvi etməyin” deyərək, insanları simptomları vaxtında yoxlatmağa çağırır.
Mütəxəssislər gənclər arasında xərçəngin artdığını bildirir və erkən diaqnozun vacib olduğunu qeyd edirlər.
Tərcümə: Könül Oruc
