Beyin funksiyasını qorumaq və yaddaşı gücləndirmək üçün düzgün qidalanma vacibdir.
E-saglam.az xəbər verir ki, beyin inkişafını dəstəkləyən qidalar həm idrak bacarıqlarını, həm də psixi sağlamlığı yaxşılaşdırır.
Beyin üçün faydalı qidalar
Yağlı balıq
Omeqa-3 yağ turşularıyla zəngin olan qızıl balıq, alabalıq və sardina yaddaşı və diqqəti artırmağa kömək edir. Omeqa-3, həmçinin Alzheimer xəstəliyinin riskini azalda bilər.
Qaragilə
Qaragilə antioksidant mənbəyidir və beyin yaşlanmasını gecikdirir. Onun flavonoidləri öyrənmə qabiliyyətini artırır və beyin hüceyrələrini qoruyur.
Toxumlar və qoz-fındıq
Qoz, badam, çia toxumu və kətan toxumu E vitamini, omeqa-3 və antioksidantlarla zəngindir. Bu qidalar oksidləşdirici stressi azaldaraq idrak funksiyalarını dəstəkləyir.
Tünd şokolad
Tünd şokoladın tərkibindəki flavonoidlər və kofein beyinə qan axını artırır, diqqəti və yaddaşı gücləndirir. Ən azı 70% kakao tərkibli şokolad seçin.
Yaşıl yarpaqlı tərəvəzlər
İspanaq, kələm və brokoli beyin üçün vacib K vitamini və antioksidantlar ehtiva edir. Onlar idrak funksiyalarını yaxşılaşdırır və yaşlanmanı ləngidir.
Sağlam həyat tərzinin önəmi
Beyin sağlamlığını qorumaq üçün balanslı pəhriz və müntəzəm fiziki aktivlik əsasdır. Harvard və Leypsiq universitetlərinin araşdırmalarına görə, düzgün qidalanma zehni və idrak bacarıqlarına ciddi təsir göstərir.
Tərcümə: Könül Oruc
