Bu yoluxucu xəstəlik çox vaxt uşaqlar tərəfindən "gətirilir" və bir neçə gün ərzində bütün ailənin düzəni pozulur.
E-saglam.az xəbər verir ki, Xətai Tibb Mərkəzinin uzman terapevti Çinarə Səfərovanın sözlərinə görə, bağırsaq infeksiyalarının artması meyvələrin yetişmə mövsümünə təsadüf edir. Ürəkbulanma, qusma və ishalın yaranması keyfiyyətini itirmiş qidaların qəbulu ilə əlaqələndirilir, sanki ailənin bütün üzvləri "yanlış bir şey yeyiblər" kimi fikir formalaşır. Bir çox insan bağırsaq problemləri üzündən istirahətlərinin pozulmasından şikayət edir.
İnfeksiyaya yoluxandan etibarən ilk üç gün ərzində qusma, ishal, temperaturun yüksəlməsi, ümumi halsızlıq və qarında ağrılar yaranır. Bu simptomlar üç-səkkiz gün davam edə bilər və susuzlaşma da daxil olmaqla ciddi ağırlaşmalara səbəb ola bilər. Belə bir vəziyyət həyat üçün təhlükəlidir və dərhal tibbi yardım lazımdır.
