“Peyvəndlərin qiyməti kommersiya sirridir. Təbii ki, söhbət külli miqdarda məbləğdən gedir”.
E-saglam.az xəbər verir ki, bunları səhiyyə nazirinin birinci müavini Teymur Musayev “Real TV”yə müsahibəsində deyib.
O qeyd edib ki, ölkə başçısının təşəbbüsü ilə bir neçə dövlətə yüz minlərlə peyvənd pay verilib: "Bu da bizim humanist dövlət olmağımızı bir daha sübut edir. Bəzi ölkələrdə peyvəndlər ancaq öz vətəndaşlarına vurulur. Lakin bizim ölkədə bir çox diplomatik nümayəndələr, Azərbaycanda yaşamaq icazəsi olan xarici vətəndaşlar, təhsil almağa gələnlər peyvənd edilir”.
