Tibbi Ərazi Bölmələrini İdarəetmə Birliyi (TƏBİB) qan qazı müayinələrinin istifadəsi üçün nəzərdə tutulmuş laboratoriya testləri alır.
E-saglam.az-ın xəbərinə görə, TƏBİB-in tabeliyindəki İnnovasiya və Təchizat Mərkəzi bununla bağlı sifariş verib.
Razılaşmaya əsasən, sifarişi “Besan” Məhdud Məsuliyyətli Cəmiyyəti çatdıracaq. Sifarişdə 572.590 qan qazı testi öz əksini tapıb.
Bağlanılmış müqaviləyə əsasən, sifarişin həyata keçirilməsi 3 878 266,59 manata başa gələcək.
Qeyd edək ki, “Besan” MMC dərman peraparatlarının idxalı və satışı, kardiologiya, ürək və damar cərrahiyyəsi, diabet, qulaq-burun-boğaz, gastroentologiya, endoskopik cərrahiyyə, nevrologiya və urologiya sahələrində medikal məhsulların, tibbi cihaz və ləvazimatların tədarükü və texniki servis xidməti ilə məşğuldur. (İqtisadiyyat.az)
