Almaniyanın Potsdam-Rebrüke İnsan Qidalanma İnstitutunun alimləri aşkar ediblər ki, artıq çəkisi olan insanların psixi sağlamlığı yaxşı olur və arıqladıqdan sonra riskli davranışlara meyli azalır.
E-saglam.az “Report”a istinadən xəbər verir ki, tədqiqatın nəticələri “Clinical Nutrition” jurnalında təqdim olunub.
Alimlər izah ediblər ki, insan davranışı bir çox amillərdən asılıdır. Bu, yalnız ətrafdakı reallıqla deyil, həm də qlükoza mübadiləsində dəyişikliklər kimi biokimyəvi reaksiyalarla tənzimlənir.
Şiddətli piylənmə ilə müşayiət olunan karbohidrat mübadiləsinin pozulmasının impulsivliyin inkişafına və risk almaq istəyinin artmasına səbəb ola bilər.
Riskli davranış insanın özü və ya ətrafındakı insanlar (bəzən hətta bütövlükdə cəmiyyət üçün) üçün açıq və ya potensial təhlükəli ola bilər. Buna misal olaraq alkoqol istehlakı və siqaret çəkmə, narkomaniya, cinayət törətmək istəyi çəkmək olar.
Bu iddianı təsdiqləmək və ya təkzib etmək üçün alimlər tədqiqata 18-75 yaş arası və artıq çəkidən əziyyət çəkən 62 nəfəri cəlb ediblər. İştirakçılar 10 həftə ərzində ciddi aşağı kalorili pəhrizə riayət ediblər. Tədqiqatın əvvəlində və sonunda hər bir iştirakçının çəkisi çəkilib, onların bədənin yağ faizi, həmçinin xüsusi testlərdən istifadə etməklə riskə getmək istəyi müəyyən edilib.
Nəticələr göstərib ki, çəki itirmək iştirakçıların əhval-ruhiyyəsinin əhəmiyyətli dərəcədə yaxşılaşmasına səbəb olub. Bundan əlavə, arıqladıqdan sonra könüllülərin riskdən çəkinən qərarlar vermə ehtimalı daha da yüksəlib.
E-saglam.az
