Hipertoniya ilə mübarizə yalnız dərmanlar, pəhriz və idmanla məhdudlaşmır.
E-saglam.az xəbər verir ki, Almaniyadakı Robert Kox İnstitutunun alimləri qan təzyiqi səviyyəsinə ciddi təsir göstərən üç güclü, lakin çox vaxt qiymətləndirilməyən amili müəyyən ediblər.
Yüksək qan təzyiqi dünya miqyasında vaxtından əvvəl ölümün əsas qarşısı alına bilən səbəblərindən biri olaraq qalır. Sağlam olmayan pəhriz və idmanın olmaması kimi məlum risklərlə yanaşı, mütəxəssislər daha üç amilə də xüsusi diqqət yetirirlər.
Çəki nəzarəti - 2100 nəfərin iştirak etdiyi səkkiz tədqiqatın meta-analizi göstərdi ki, çəki itkisi qan təzyiqinin əhəmiyyətli dərəcədə aşağı düşməsinə səbəb olur: orta hesabla sistolik təzyiq 4,5 mm civə sütunu və diastolik təzyiq 3,2 mm civə sütunu.
Keyfiyyətli yuxu - Qan təzyiqi normal olaraq yuxu zamanı azalır. Lakin, müntəzəm yuxu çatışmazlığı və ya həddindən artıq yuxu kimi yuxu pozğunluqları, xüsusən də orta yaşlarda hipertoniya inkişaf riski ilə birbaşa əlaqələndirilir. Sağlam yuxu müddəti gecə yeddi-doqquz saatdır.
Stressin idarə olunması - Stress hormonları qan damarlarını daraldır və ürək döyüntüsünü artırır. Tədqiqatlar stressin idarə olunması üsullarının effektivliyini təsdiqləyir: meditasiya və diqqətlilik təcrübələri statistik cəhətdən əhəmiyyətli azalmalara səbəb olur. Yoqa ilə bağlı məlumatlar xüsusilə təsirlidir: müntəzəm məşq sistolik qan təzyiqini orta hesabla 4,17 mm civə sütunu, diastolik qan təzyiqini isə 3,62 mm civə sütunu azaldır.
Tərcümə: Könül Oruc
