Avstriyanın Vyana Tibb Universitetinin tədqiqatçıları SLC6A1 genində autizm spektri və epilepsiya pozuntularına səbəb ola biləcək 15 mutasiya aşkar ediblər.
E-saglam.az oxu.az-a istinadən xəbər verir ki, araşdırmanın nəticələri "The FASEB Journal" jurnalında dərc olunub.
SLC6A1 geni QAMK tormoz neyromediatorunun beyin hüceyrələrində hərəkətinə cavab verən GAT-1 zülalını kodlaşdırır. Bu zülal sinir sistemində oyanmanın tənzimlənməsində mühüm rol oynayır.
Tədqiqatçılar bildiriblər ki, əgər GAT-1 işləmirsə və ya hüceyrənin səthinə daşınmırsa, bu, ciddi nevroloji pozuntulara səbəb ola bilər.
