Ağrıkəsicilərin həddindən artıq istifadəsi baş ağrılarının artmasına səbəb ola bilər.
E-saglam.az xəbər verir ki, Prof. Dr. Şebnem Bıçakcı qeyd edir ki, üç ay ərzində həftədə üç dəfədən çox ağrıkəsici istifadə edən şəxslərdə bu problem yaranır. O, baş ağrısının iki növ olduğunu bildirir: səbəbi bilinən və bilinməyən. Səbəbi bilinməyən ağrılar arasında miqren və gərginlik tipli baş ağrıları daha yaygındır.
Miqren genetik meyillə yanaşı, nizamsız qidalanma, hərəkətsizlik, az su içmək və həddindən artıq yatmaq kimi amillərlə də əlaqəli ola bilər. Həkimlər miqren spazmlarını azaltmağa çalışsa da, ağrıkəsicilərin həddindən artıq istifadəsi problemləri daha da artırır.
Bıçakcı, ağrıkəsicilərin uzun müddət istifadəsinin böyrək problemləri, hipertoniya, mədə narahatlığı və allergik reaksiyalara səbəb ola biləcəyini vurğulayır. O, xəstələrə qidalanma, yuxu rejimi, idman və stressin idarə edilməsi ilə balans yaratmağı tövsiyə edir.
Hava dəyişikliyi də ciddi ağrılara səbəb ola bilər. Bu səbəbdən müalicə üçün mütəxəssis həkimlərə müraciət etmək və elmi olmayan üsullara etibar etməmək vacibdir.
Tərcümə: Könül Oruc
