Uzun illər boyunca faydasız hesab edilən ağıl dişləri (20 yaş dişləri) son elmi araşdırmalarla sağlamlıq baxımından böyük əhəmiyyətə malik bir mövzuya çevrilib. Artıq bu dişlər təkcə çeynəmə funksiyası ilə deyil, daxili toxumasında gizlənən kök hüceyrələr sayəsində tibbdə ümidverici bir mənbə kimi dəyərləndirilir.
E-saglam.az xəbər verir ki, mütəxəssislər ehtiyac olmadığı halda bu dişlərin çıxarılmamasını tövsiyə edirlər.
Kök hüceyrələrdə gizli potensial
Əvvəllər müasir həyat tərzi və qidalanma vərdişləri ilə əlaqədar olaraq istifadəsiz hesab edilən ağıl dişləri, indi tibbi araşdırmaların diqqət mərkəzindədir. Dişin pulpa adlanan yumşaq iç qatında yerləşən mezenximal kök hüceyrələr, sümük, qığırdaq, yağ toxuması kimi müxtəlif hüceyrə növlərinə çevrilə bilmək qabiliyyətinə malikdir.
Parkinson, Alzheimer və ürək problemlərinə qarşı ümid
Alimlər bildirirlər ki, ağıl dişlərindən əldə edilən bu kök hüceyrələr gələcəkdə Parkinson, Alzheimer kimi nevroloji xəstəliklərin və ürək-damar problemlərinin müalicəsində istifadə oluna bilər. Bu hüceyrələrin şəxsi kök hüceyrə terapiyasında böyük rol oynayacağı gözlənilir.
Artıq kök hüceyrə bankaları fəaliyyət göstərir
ABŞ və Avropa ölkələrində bir çox klinika çıxarılan ağıl dişlərindən kök hüceyrə toplayıb biobankalarda saxlama xidmətləri təqdim edir. Beləliklə, daha öncə zibilə atılan dişlər, indi gələcəyin sağlamlıq sığortası kimi qiymətləndirilir.
Dişlərinizi qoruyun, gələcəyinizə yatırım edin
Mütəxəssislər xəbərdarlıq edir: ağıl dişiniz çıxarılıbsa, onu atmayın. Uyğun şəraitdə saxlanılan bu dişlər, gələcəkdə ağır xəstəliklərin müalicəsində həyat qurtarıcı rol oynaya bilər. Buna görə də ağıl dişlərinin kök hüceyrə bankalarında qorunması, sərvət dəyərində gələcəyə yatırım kimi qəbul edilir.
Tərcümə: Könül Oruc
